Carl-Toepfer-StiftungCarl-Toepfer-Stiftung
Blick durch die Peterstraße auf die Neanderstraße

Aktuelle Informationen:

» Arbeitsschwerpunkte » Förderung der niederdeutschen Sprache und Literatur

Nedderdüütsche Bökerie/Niederdeutsche Bibliothek

In dat Eckhus Peterstraße 36/Ecke Hütten (daar is de Ingang) bedrifft un unnerhöllt de Carl-Toepfer-Stiften siet den dörteihnsten September 1996 de Nedderdüütsche Bökerie (Niederdeutsche Bibliothek).
Anfungen hett de Bökerie mit veele hunnert plattdüütsche Böker, de vun de Alfred Toepfer Stiften as Geschenk kamen sünd, un to glieke Tiet sünd in de Peterstraat 36 upstellt worrn de Bökerien vun de Hamborger Fehrs-Gill un vun de Hamborger plattdüütsche Vereenigung »Quickborn«. De Böker vun den Hamborger »Quickborn«, dat sünd mehr as veerdusend Stück, sünd twaars nich schenkt, man de schüllt up Duer in de Plattdüütsche Bökerie in de Peterstraat stahn.

Siet 1996 ist Bökerie düchtig wussen – meist alle niegen Böker, de de Book-Verlagen Jahr för Jahr up den Markt bringt, ward anköfft, ok de Böker ut de Wetenschop. Böker vun dat 18., 19. un dat 21. Jahrhunnert, de noch nich in de Bökerie to finnen sünd, ward ut Antiquariaten und vun Lüde, de ehre Böker afgeven wüllt, anköfft. So is dat kamen, dat de Bökerie so vun dat Jahr 2000 af an all to de gröttsten nedderdüütschen Bökerien höört. Un de Bökerie wasst düchtig wieder.

 
De Bökerie sülben

De Bökerie sammelt all Böker, Schriften un ok de »modernen Medien« vun all de Schriewerslüüd un Institutschonen, de plattdüütsche Bööker un de niegen Medien ruutbringen, egal, vun wat vun Flach, Rebeet orrer Kuntrei vun’t Plattdüütsche dat is – un ok all de Böker vun de Schriewerslüüd ut dat 18., 19. un dat 21. Jahrhunnert.

De Bökerie arbeit’t daarup hen, dat jichtenswann all de plattdüütschen Böker, de dat överhaupt geven hett, un de Böker vun de Wetenschopp un wat sünst noch daarto höört, in de Nedderdüütsche Bökerie staht.

Bi dat Sammeln hett Hamborg mit sien Ümland dat Haupt.

Over 20.000 »Medieneinheiten«, as dat in de Bibliothekswetenschopp heet, staht hüüt in de Nedderdüütsche Bökerie – un dit sünd de enkelten Rebeeten, de sünd hier hochdüütsch nöömt, so as dat ok in de Bökerie steiht:

  • Erzählungen, Romane, Döntjes und Vertellers, Comics;
  • Gedichte und Reimschwänke;
  • Liederbücher und weitere Musikalien;
  • Theaterstücke und Literatur über das Theater;
  • Thematische Sammelwerke mit Erzählungen und Gedichten (Anthologien);
  • Volksüberlieferungen/Volksdichtung;
  • Kinderbücher;
  • Altniederdeutsche (altsächsische) und mittelniederdeutsche Literatur mit den entsprechenden Umfeldern;
  • Schullesebücher und Lehrwerke für den Schulunterricht;
  • Jahrbücher, Vereinsschriften und Zeitschriften;
  • Wörterbücher, Lexika;
  • Wissenschaftliche Literatur zur Sprach- und Literaturwissenschaft;
  • Religiöses Schrifttum in niederdeutscher Sprache;
  • Kulturgeschichtlich-volkskundliche Darstellungen.

Katalog

Een EDV-Bökerverteeknis över allns, wat in de Bökerie steiht, is in Arbeit. In’t Internet ward dat EDV-Bökerverteeknis avers nich vör’t End 2013 stahn.

Bökerutlehnen

De Bökerie is een Stiftungsbökerie, se hett keeneen, de vun de kommunale orrer staatliche Siet dat Seggen hett. Utlehnt ward Böker för de Duer vun veer Weeken, dat gellt för de Böker, de na dat Jahr 1900 ruutkamen sünd un de in de Bökerie dubbelt stahn. Dat Utleihnen is ümsünst. All de annern Böker warrn nich utlehnt, dat sünd meist alle Wöörböker, de Böker vun de Wetenschopp un de ölleren Böker un de Tiedschriften.

Kopien

För de Besöker vun de Bökerie steiht een Aflichter daar – de Aflichten sünd ümsünst, wenn dat nich toveel ward.

Besökertieden

De Dören vun de Bökerie staht för all de Besöker jedeen Week an’n Middeweken und Dünnersdag vun Klock negen vörmiddags bit Klock söventeihn apen.

Wenn in Hamborg de grooten Sommerferien för de Schoolkinner sünd, denn hett ok de Bökerie för veer Weeken ehr Dören slaten.
 


  Bibliothekaar

  Dr. Ulrike Möller is de Bibliothekaar vun de Niederdeutsche
  Bibliothek. Se kann hölpen, wenn Se wat wies warrn wüllt.





 

Adress

Niederdeutsche Bibliothek
Peterstraße 36
20355 Hamborg
Telefon: 040 34 08 23
Fax: 040 35 16 69
E-Mail: bibliothek@carltoepferstiftung.de

Weg orrer Fahrtweg

Woans Se de Bökerie finnen, dat köönt Se hier kieken.

Annere Bökerien mit mehrstendeels plattdüütsch Böker

Böker, de in de Nedderdüütsche Bökerie noch nich stahn, staht meist in de Bökerie vun dat »hamburgmuseum« orrer in de plattdüütsche Afdeelen vun de Bökerie vun dat »Institut für Germanistk I« vun de Universität Hamborg. Mit de Germanisten is ok afspraken, welk vun de Bökerien de enkelten Böker anköfft.

Butenlands vun Hamborg staht de mehrsten plattdüütschen Böker in Bremen, in dat »Institut für niederdeutsche Sprache« – un hier is to seggen, de Nedderdüütsche Bökerie Hamborg und dat Bremer Institut helpen sik eenanner up veele Rebeten. Veel dusend plattdüütsche Böker stahn ok in de »Landesbibliothek Mecklenburg- Vorpommern« in Schwerin.

» Seitenanfang

Carl-Toepfer-Stiftung Peterstr. 28 — 20355 Hamburg Tel. 040 34 45 64 Fax 040 35 16 69 E-Mail mail@carltoepferstiftung.de Impressum Sitemap